Hoi zaeme

Ech be grad ide Schuel ide Bibliothek ond ha nued ztue well mini 2 Partnerinne vo uesem Projekt ned do send ond sie alli Sache hend womer dra choent schaffe.

Sie send heigange nochdem mer hoet morge en 2-schtoendige Stromusfall gha hend. Am halbi8, grad bevor d Schuel agfange hed eschs Liecht usgange, alli schreied, yeahhh, ond waerded weld ond gomped ome ond so. De semmer zerscht mol chli omeglofe well allgemeini verwerig gherscht hed, de semmer i ueses Schuelzemmer ond de id Bibliothek witergleited worde. Dete semmer de oepe e halbschtond ghocked bis mer de nomol ompositioniert worde send id cafeteria. De hemmer ergendeinisch erfahre dasmer wenns liecht bis am 9 ned agod choend heigo. Ond prompt es esch nueni, ond alli wend useschtoerme aber mer waerded vode Lehrer ufghalte. Ond de am 9.07 eschs domme liecht weder agange, mer hend strom gha ond natuerlech id Schuel moesse. Etz send die meischte raecht onmotiviert, vorallem well mer no erfahre hend das mer haetted oepe 30 sek nochdem s liecht agschalte hed haetted choenne heigo. ond es paar send halt eifach heigange.

Drom hock ech etz ide Bibliothek ond ha ziit zom dae (mol schwitzerduetsch) itrag zmache.

Bye, bis ergendwenn

15.11.07 18:44

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen