sooooorrrryyyy

soooo, noch es paar reklamatione ond so hanech mech etz aendlech weder mol ufgrafft ond schribe oepis foer mini luetlis ide schwitz. sorry dases soooo lang duret hed.

hmmmm, was esch au so passiert. foer mech chond scho zemlech alles normal vor, mis schwitzerduetsch esch noemme so guet ond duetsch esch met aenglische woerter gschpickt.

sletschtmol woni gschrebe ha esch im januar gse, etz fuehl ech mech grad schlaecht well ech uech mini informatione sooo lang vorenthalte ha.

im januar hemmer en dance gha, esch soo cool gse, met chleider ond d jungs i azoeg of course. fun fun fun.
d woche druf esch de au no valentinstag gse, wahrschindlech eine vode groeschte fiirtige im ganze johr. mer leid natuerlech pink oder rot oder so id schuel a, vell luet naemed suessigkeite id schuel met wos verteiled oder chaertli, ond mer mues natuerlech sim schaetzli es gschaenkli chaufe, lol. das mues en riiiise industrie si. scho woche vorhaer esch alles pink wemmer ine lade ielauft ond voll met stofftierli ond haerzlisueessigkeit ond so.

jo, soescht esch im februar glaub noemme so vell passiert osser das ech en rolle im musical becho ha. s musical esch "the pajama game". ech ha halt kei riesigi rolle, eifach es paar saetzli ond tanze ond senge. esch grad so die rechtig groessi, de muesi ned zvell oswaendig lehre. etz hemmer jede tag noch de schuel prob. hoet de au weder.

im maerz hemmer de no en andere dance gha, dae esch zwor langwilig gse. de dj esch sseeeehhhr schlaecht gse. ond es esch au kei formal gse, eifach so normal agleid ond so.

was soescht no so los esch, mer send emmer chli am vorbereite foer s hochziig vo minere gaschtschwoeschter im aprel. ech ha au scho erlaubnis vode schuel becho dasech de en woche det abe cha. das set guet waerde. ez mosi de nor no einisch es neus bikini go chaufe.

mer hend emmer no raecht vell schnee. es esch zwor scho raecht warm, so om 5 grad ome aber emmer ide nacht schneits weder, hoet nacht setemer weder so 10-12 cm becho.

hoet esch de letscht schueltag, nochaer hemmer de en woche spring break, ned so lang, aber emmerhen.

jo, soescht fallt mer grad nueme i. schribed mer doch mol es email. ech cha zwor ned verschpraeche das ech de werde zrogschribe, sorry. ech probiere zwor.

20.3.08 19:06

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen