Ech be wedermol inere Study hall ond ha nued ztue (aso eigentlech scho, aber kei loscht ond eh noemme so vell ziit) de hani daenkt schrib ech doch weder mol oepis foer d schwitzer.

S neue trimester hed agfange. Mini neue faecher send:

-American Novels: Mer lesed Novelle ond schribed Ufsaetz droeber pretty much. esch aber no cool. Mer hend scho "The scarlet letter" glaese ond jetz lesemer grad Fahrenheit 451, wo potential hed eis vo mine lieblingsbueecher zwaerde. mer send aber noni fertig, vo dem haer chanis noni so gnau saege.

-Sociology: De Lehrer red langsam ond repetitiv, aber esch eigentlech no es enteressants fach. mer lueged au emmer chli felmli ond so. esch raecht easy.

-American History: emmer no sgliche aber das trimester esch mini klass sooo domm, ech rege mech jede tag oeber die uf. ond d lehrerin hasst die klass au, esch super....

-chor: I love singing!!!

-Spanish: guet, guet, guet, esch etz au chli aschprochsvoller worde. mer lueged felm of spanisch ond so. aso natuerlech kei aecht felm, das woerdemer ned verschto, so chli langsamer greti felm foer schuele.

-Study Hall: beni etz grad

-Calculus: Ech liebe calculus, esch die einzig klass womer mues werklech daenke. lehred mer ableitigs- ond integralraechnig ide kanti??

 jo, das esch mine tag, mine schtondeplan esch super, osser die 3. stond esch halt ned so toll.

Letscht woche esch spring break gse. Ha ned so vell gmacht osser maengisch chli met mine kollege omeghaengt ond am donnschtig send d gale ond ech no gos capitol ond d kathedrale vo st. Paul go aluege. esch no enteressant gse, vorallem well eine vode house representatives ues en tour gae hed ond mer hend choenne fotis mache stehend wo normalerwiis de chef vom huus stod ond so.

Jo, d stond esch etz de gli fertig drom mosi au scho weder go. cool gse weder mol met uech zrede.

bye bye, no schoeni osterferie foer alli wo no hend.

 

3.4.08 20:23

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen